人間六十年ジュリー祭り-尋夢之旅11

2008/12/1

結果，我決定坐的士去，還邊行邊截，好讓距離盡量縮短，俾少D的士錢。一跳一驚心下，司機在東大路通與五条坂交叉處放低我們，著我們沿五条坂行。

車費盛惠￥1280! (好彩有收埋d收據，都記唔到!)還好，有Luvkenji 同Terri 分擔，不至太肉痛。

一下車便見 "秋・夜の特別拝観午後6時30分～午後9時30分"，嘩! 無死，原來清水寺秋季有夜拜，即係唔會關門住，我們才有足夠時間參觀：

清水寺雖然靚，但商業味重，到處都有祈願姻緣、求好運和除厄運的商品賣。好似寫上願望的木牌要錢；寫上自己個名，再將紙溶係水度果，意味除去厄運果張紙仔又要錢；求簽更加得俾錢... 總知，實有一樣半樣野你要掏腰包俾錢喇。

其實清水寺的紅葉比銀閣寺更燦爛，但遊人實在太多太多，比較混亂和沸騰，令人沒能寧定下來好好欣賞，心只是想："呢條友擺pose駛唔駛咁耐呀？快d影完佢喇!" 或"咦!呢條友想同我爭位!未死過定喇!"又或是 "等我攝定位先!" 你話，咁既心情又怎能與紅葉相襯？仙境都變紅塵。

我對那兒的果樹更有興趣，有柚和柿呢。

這個水有甚麼好處已經唔記得，可能係忘憂水啩，所以咪唔記得為乜飲佢囉。

下山時見到這個入型入格的日本和尚化緣中，好CUTE。

成條街好多野賣，但都不及這個來得吸引：

這種包得三款味：豬肉，咖喱同菜 (不肯定)，咁餓就梗係食個有肉架啦，係LUVKENJI 先揀齋菜包，好似係￥200一個，我地三個就咁坐係細細的路邊檔口內，呷著免費茶，一邊欣賞著外國的月光，一邊吃。而家諗翻，還是相當回味，興幸有著志同道合的好友一同闖蕩江湖，與我同甘共苦。

苦，就是成天得個富有柿、益力多同呢個包下肚咋!

甘既，就要數後來返出大阪食既蟹道樂喇：

實情係好甘先啱，一個蟹餐最少四千円，貴可以到八千円。去片：

唔影翻夠本邊得？咁甘!

食完再逛多一會道頓堀，才甘心過完在大阪的最後一夜。
***
julie, kenji sawada, ジュリー, ジュリー祭り, 人間六十年, 東京ドーム, 沢田研二, 泽田研二, 澤田研二